Mustafe Cagjar oo mar kale loo doortay Madaxweynaha Dowlad Deegaanka Soomaalida

Published October 1, 2026 - Updated October 1, 2026

Akhris 2 daqiiqo ah

Madaxweynaha Dowlad Deegaanka Soomaalida , Mustafe Maxamed Cumar (Cagjar), ayaa mar kale loo doortay inuu hoggaamiyo deegaanka, taas oo u oggolaanaysa inuu sii wato xilka uu hayay tan iyo isbeddelkii siyaasadeed ee dhacay sannadkii 2018.

Mustafe Cumar ayaa hoggaanka deegaanka yimid 22-kii Agoosto 2018, kaddib isbeddel siyaasadeed oo ka dhacay Dowlad Deegaanka Soomaalida, ayadoo tan iyo xilligaas uu ahaa hoggaamiyaha ugu sarreeya ee maamulka deegaanka, isagoo muddo ku dhow siddeed sano hayay hoggaanka.

Doorashadiisa cusub waxay ka dhigan tahay inuu sii wadi doono hoggaanka deegaanka xilli Dowlad Deegaanka Soomaalida ay ku jirto marxalad ay xoogga saarayso horumarinta adeegyada bulshada, maalgashiga, amniga iyo mashaariicda kaabayaasha dhaqaalaha.

Sidoo kale, Ibraahin Cismaan Faarax ayaa mar kale loo doortay Madaxweyne-ku-xigeenka Dowlad Deegaanka Soomaalida.

Xafiiska Madaxweynaha Deegaanka Soomaalida ayaa hadda si rasmi ah ugu dhawaaqay in Mustafe Maxamed Cumar uu yahay Madaxweynaha, halka Ibraahin Cismaan uu yahay Madaxweyne-ku-xigeenka.

Mustafe Cumar ayaa hoggaanka deegaanka ku soo jiray tan iyo 2018, waxaana warbixinno hore lagu xusay in muddadiisa ay deegaanka ka dhacayeen mashaariic horumarineed iyo maalgashi, iyadoo weli ay jiraan caqabado la xiriira abaaraha, kaabayaasha iyo adeegyada bulshada.

dib-u-doorashada Mustafe Cumar ayaa ka dhigaysa mid kamid ah madaxweyneyaashii ugu waqtiga dheeraa deegaanka, halka Ibraahin Cismaan Faarax uu sii wadanayo xilka Madaxweyne-ku-xigeenka.

Mustafe Cagjar oo mar kale loo doortay Madaxweynaha Dowlad Deegaanka Soomaalida

Ka hel Goobjoog wixii cusub.

From the comments